Анонс мероприятий

обложка (1).jpg
WhatsApp Image 2022-09-14 at 13.01.17.jpeg

 Приглашаем на презентацию книги " Саха сирин кемус куолаьа" посвященный жизни и творчеству народного артиста РФ и РС(Я) Семена Петровича Оконешникова, которая состоится 30 сентября в 11 часов 2022 года МБУ КЦ "Айылгы" им С.П Оконешникова.

Новости
IMG_20220602_153638_687.jpg

Библиотека - билии киинэ


   Бэс ыйын 1 күнүгэр Бөтүҥ олохтоох библиотеката тэриллибитэ 70 сылыгар аналлаах дьоро күн буолан ааста. Кылгастык историяттан: нэһилиэккэ библиотека 1952 сыллаахха тэриллибитэ. Маҥнайгы библиотекарынан Слепцов Егор Егорович үлэлээбитэ. Араас сылларга библиотекардарынан бэйэлэрин идэлэригэр бэриниилээх специалистар,  Ленинград блокадатын кыттыылааҕа Ядрихинская Т.К, библиотечнай үлэ ветерана Оконешникова М.П, Суздалова Л. Д, Семенова С.Н уонна да атыттар. Билигин библиотека сэбиэдиссэйинэн, культура туйгуна Колесова Валентина Спиридоновна үлэлиир.
   Дьоро тэрээһин эдэр ыччаттар "Эҕэрдэ" үҥкүүлэринэн саҕаланна. Онтон салгыы ыытааччылар Мариянна Данилова, Михаил Макаров библиотека историятын түһүмэхтэринэн кэпсээтилэр. Урукку сылларга үлэлээбит Матрена Петровна Оконешникова, Сардаана Николаевна Семенова бэйэлэрэ үлэлээбит кэмнэрин туһунан кэпсээн, ахтан, санаан аастылар Е.С.Сивцев - Таллан Бүрэ аатынан орто оскуола үөрэнээччилэрэ литературнай композицияларынан, Татьяна Ядрихинскаяҕа анаабыт Наталья Ушницкая-Дайыына хоһоонун оскуола библиотекара Мария Уваровская, ааҕан, "Күбэйэ" ансамбль кыттааччылара ылбаҕай ырыаларынан эҕэрдэлэрин тиэртилэр.
   Олохтоох библиотека юбилейынан бэйэлэрин эҕэрдэлэрин эттилэр Нам улууһун культураҕа управлениетын начальнига Елена Александровна Заровняева, Намнааҕы кииннэммит библиотечнай ситим директора Майя Романовна Софронова, "Бөтүҥ нэһилиэгэ" МТ баһылыгын солбуйааччы Галина Прокопьевна Маркова, нэһилиэк  тэрилтэлэрин, түмсүүлэрин салайааччылара уонна биир идэлээхтэрэ библиотекардар. Тэрээһини ылбаҕай ырыаларынан киэргэттилэр Ирина Винокурова, Михаил Макаров, "Айылгы"культура киинин үлэһиттэрэ, Түбэ нэһилиэгин библиотекатын  сэбиэдиссэйэ Юлия Иванова. Бу күн үгүс эҕэрдэ, баҕа санаа бастыҥа этилиннэ.
   Тэрээһин уопсай хаартыскаҕа түһүүнэн түмүктэннэ. Мустубут ыалдьыттар толору астаах сандалы тула олорон истиҥник кэпсэтэн, оонньууларга кыттан  дуоһуйа сынньанан тарҕастылар.

WhatsApp Image 2022-05-27 at 15.36.24.jpeg

      Бүтүн Россиятааҕы библиотека күнүгэр анаан ыытыллыбыт  "Сила  Книги"  4-с республиканскай сетевой акцияҕа кыттыһан Бөтүҥ олохтоох модельнай библиотекатыгар Е.С.Сивцев -Таллан Бүрэ аатынан орто оскуола 3-4 кылааһын үөрэнээччилэригэр анаан тэрээһин ыытылынна. Быйылгы "Сила Книги" акция Саха Республикатыгар биллэриллибит Ийэ сылыгар ананан бэйэлэрин Ийэҕэ анаммыт  айымньылары оҕолорго ийэлэр аахтылар. Библиотекаҕа мустубут оҕолор эдэр ийэ Айыына Николаевна Васильева биллиилээх оҕо суруйааччыта Аркадий Гайдар "Чук и Гек" кэпсээниттэн быһа тардыыны ааҕан иһитиннэрбитин олус интириэһиргээн иһиттилэр, бэйэлэрин санааларын көхтөөхтүк үллэһиннилэр.
    Бу тэрээһиҥҥэ үөрэнээччилэри кытыннарбыт кылаас салайааччыларыгар Мария Валерьевна Сивцева, Полина Петровна Дьяконоваҕа, тэрээһиҥҥэ күүс -көмө буолбут Айыына Николаевна Васильеваҕа, бары кыттыбыт оҕолорго библиотека аатыттан махталбытын тиэрдэбит.

IMG_20220428_094004_214.jpg

   Саха автономиятын 100 сылынан, биллиилээх государственнай, политическай деятель Максим Кирович Аммосов 125 сылын чэрчитинэн олохтоох библиотека араас тэрээһиннэри нэһилиэнньэҕэ ыытта.

  Ол курдук муус устар 25 күнүгэр оскуола оҕолоругар "100 фактов истории республики" медиаурок, муус устар 26 күнүгэр оскуола үөрэнээччилэригэр 2 кылаастан 8 кылааска диэри "Символы Якутии" олимпиада, тэрилтэлэр икки ардыларыгар  Брейн-ринг интеллектуальнай оонньуу  ыытылыннылар.

  "Символы Якутии"олимпиадаҕа барыта  42 үөрэнээччи кытынна. 5 сыананы 4 кылаас үөрэнээччитэ Рожина Анджелина ылла. (кылаас салайааччыта Дьяконова П.П)
Тэрилтэлэр икки ардыларыгар Брейн-рингҥэ барыта 4 тэрилтэ кыттыыны ылла. (Е.С.Сивцев-Таллан Бүрэ аатынан орто оскуола, "Сардаана"оҕо саада, олохтоох дьаһалта, кыра тэрилтэлэр холбоһук хамаандалара).
Уопсай түмүгүнэн орто оскуола үлэһиттэрин хамаандата кыайыылааҕынан таҕыста. Кыайыылаахтары эҕэрдэлиибит.
Библиотека ыыппыт тэрээһиннэригэр күүс көмө буолбут кылаас салайааччыларыгар, история учууталыгар Софронов Егор Михайловичка, тэрилтэлэр салайааччыларыгар, С.П.Оконешников аатынан "Айылгы"культурнай киинин үлэһиттэригэр барҕа махталбытын тиэрдэбит.

   Муус устар 19 күнүгэр "Үтүөнү оҥор" акция чэрчитинэн Ефрем Степанович Сивцев - Таллан Бүрэ аатынан орто оскуола 3 кылааһын үөрэнээччилэрэ (салайааччы Сивцева Мария Валерьевна) олохтоох модельнай библиотекаҕа ыалдьыттаатылар. Оҕолор "Биһиги сөбүлүүр кинигэлэрбит" кинигэ быыстапкатын оҥорон аҕалан туруордулар уонна кинигэ сааһылаан, быыллаан көмө оҥордулар. Кырачаан ааҕааччыларбытыгар библиотека коллективын аатыттан махтанабыт, өрүү үтүөнү үксэтэ сылдьыҥ диэн баҕа санаабытын тиэрдэбит.

WhatsApp Image 2022-04-15 at 16.32.19.jpeg

Муус  устар 15 күнүгэр Бөтүҥ  олохтоох библиотекатын ааҕааччылара саха норуодунай суруйааччыта, бөдөҥ общественнай деятель Софрон Петрович Данилов төрөөбүтэ 100 сылыгар анаан Саха Өрөспүүбүлүкэтин Национальнай библиотеката, Горнайдааҕы кииннэммит библиотечнай ситим, П.Д.Аввакумов аатынан киин библиотека тэрийэн ыыппыт республиканскай "Данилов дьыктаана" акцияҕа кыттыыны ыллыбыт. Барыта 9 улахан киһи, 5 оскуола оҕото кыттыыны ыллылар. Саамай элбэх баалы ылан Мэҥэ суругунан Уваровская Мария Даниловна бэлиэтэннэ. Бары кыттыбыттарга Туоһу сурук туттарылынна.

WhatsApp Image 2022-04-01 at 11.45.05.jpeg

Түбэ, Бөтүҥ библиотекалара  Өксөкүлээх ыллыгынан

   Түбэ, Бөтүҥ уонна Өймөкөөн улууһун Томтор нэһилиэктэрин  библиотекалара  үөрэх эйгэтин үлэһиттэригэр анаан Өксөкүлээх Өлөксөй 145 сааhынан «Өксөкүлээх айар ыллыгынан» диэн оонньуу  ыыттылар. 

Түбэ орто оскуолатын «Дьулуур»,  Бөтүҥтэн «Кэскил», Өймөкөөн Томторуттан «Чуурукта» учууталлар хамаандалара кыттыннылар. Кинилэр суруйааччы олоҕор, айар үлэтигэр сыһыаннаах ыйытыыларга хоруйдаатылар, «Тыл кэриэhэ тыыннаах» диэн анаграмма толордулар, капитаннар «Тииҥ мэйии» блиц-турнирга күөн көрүстүлэр. «Үтүө аата үйэлэргэ умнуллубат» диэн  А.Е. Кулаковскай аатын үйэтитиигэ хамаандалар бырайыак  көмүскээтилэр. 

   Түмүгэр, бастакы миэстэни ылары ситистэ – Томтор орто оскуолатын «Чуурукта» хамаандата. Иккис миэстэ – Бөтүҥ орто оскуолатын «Кэскил» хамаандата. Үһүс  миэстэни Түбэ орто оскуолатын «Дьулуур» хамаандата ылла. 

✍Юлия Иванова, Түбэ модельнай библиотекатын сэбиэдиссэйэ

"Эҥсиэли" хаһыат

Бөтүҥ олохтоох модельнай библиотеката төрөөбүт тыл, сурук - бичик күнүгэр аналлаах онлайн тэрээһиннэри ыытта. Ол курдук, олунньу 11 күнүгэр “Сахалыы тылбыт сатараатын, Ийэ тылбыт иччилэннин” тэрээһин чэрчитинэн Ийэ тыл күүһүн тула истиҥ кэпсэтиһии буолла. Кыттыыны ыллылар Дьокуускай к. “Арчы дьиэтин” директора, СР культуратын үтүөлээх үлэһитэ Андреева Л.К, СР культура уонна искусство колледжын фольклорга уонна норуот айымньытын идэлэригэр уһуйааччы, алгысчыт Винокуров М.Н. Ыалдьыттарбыт тыл күүһүн туһунан кэпсээтилэр, алгыс сиэрин туомун ыыттылар.

       Олунньу 12 күнүгэр С.П.Оконешников аатынан  “Айылгы” КК үлэһиттэрин кытта түөлбэлэр икки ардыларыгар тыл оонньуута күрэх ыытылынна. Күрэххэ кыттааччылар сахалыы хоһоон ааҕан ыыттылар, киэн туттар биир дойдулаахтарбыт видео боппуруостарыгар эппиэттээтилэр, айымньыттан бэриллибит текст айымньытын аатын, авторын, суруйааччылары харахтарынан, киинэттэн хартыыналары көрөн ханнык айымньыга олоҕуран туруоруллубутун таайдылар. Күрэх түмүгүнэн “Чаран” түөлбэ кыайыылааҕынан буолла.

      Олунньу 11 күнүгэр оскуола 3-4, 5-6, 7-8 кылаастарын оҕолоро “Таптыыр сахам тылынан” диктант, улахан дьон олунньу 12 күнүгэр куйаар ситимин нөҥүө “Саха диктант” суруйдулар. Оскуола оҕолоругар Бастыҥнарынан буоллулар Рожина Анджелина (4 кылаас), Сивцева Вика (6 кылаас), Колодезникова Зарина (8 кылаас) үөрэнээччилэрэ, улахан дьоҥҥо “Бастыҥ суруксут” аатын ылла Макарова Ольга Семеновна. Бары кыттыбыттарга Сертификаттар, бастыҥнарга  Дипломнар туттарылыннылар. Библиотека сайтын нөҥүө ыытыллыбыт  викторинаҕа барыта 23 киһи кытынна.

Олунньу 4 күнүгэр  кэс тыллар, сиэр – туом тематыгар дьиэ кэргэттэргэ аналлаах интеллектуальнай КВИЗ оонньуу ыытылынна.  Барыта 6 түһүмэҕинэн (Ыйдар айыы ааттара, кэс тылларга көппүт тыллары туруор, өс хоһооннору салҕааҥ, кроссворд, чайнворд, блицбоппуруостар) ыытыллыбыт күрэххэ барыта 6 дьиэ кэргэн кыттыыны ыллылар. Уопсай түмүгүнэн кыайыылааҕынан Альберт, Анастасия, Дайаана Потаповтар дьиэ кэргэттэрэ буоллулар. Кыайыылаахтар Дипломунан, анал бирииһинэн бэлиэтэннилэр. Бары кыттыбыт дьиэ кэргэттэргэ оскуола иһинэн үлэлиир Валяние куруһуогун (сал. Осипова Матрена Михайловна) оҕолоро оҥорбут ковриктара туттарылыннылар. Тэрээһин куйаар ситиминэн ЗУУМ нөҥүө ыытылынна. Бары кыттыбыт дьиэ кэргэттэргэ махталбытын тиэрдэбит.

Михаил Николаев.jpg
 15 ноября для учащихся 8 класса Бетюнской СОШ им. Е.С.Сивцева - Таллан Бюря провели обзор книжной выставки "Я твой сын, Саха сирэ", посвященный к 84летию первого Президента Якутии Михаила Ефимовича Николаева. 
Video Channel Name

Video Channel Name