Бетюнская сельская модельная библиотека
Новости
.jpg)
Режим работы.
Пн-Вт-Пт: 10:00-18:00
Обед: 13:00-14:00
Ср-Чт:11:00-19:00
Обед: 14:00-15:00
Сб: 10:00-13:00
Вс-выходной
Последний рабочий день месяца - санитарный день
Бүгүн ,муус устар 4 күнүгэр, Бөтүҥ нэһилиэгэр “Кыым” хаһыат суруналыыстарын Саргылаана Багынанованы,Дмитрий Ивановы, Диана Клепандинаны кытта олохтоох бибилэтиэкэҕэ сэргэх көрсүһүү, атах тэпсэн олорон сэһэргэһии буолан ааста. Ыалдьыттарбыт хаһыат үлэтин-хамнаһын туһунан кэпсээтилэр, нэһилиэк олоҕун кытары билистилэр, ааҕааччылар сэҥээрэр ыйытыыларыгар хоруйдаатылар. Бу күн 2024 сыл 2-с аҥаарыгар чэпчэтиилээх сыананан суруппут ааҕааччыларыгар БЭЛЭХ утары ууннулар. Ааҕааччылар сөбүлээн ааҕар хаһыаттарын үлэһиттэрин көрсөн,ирэ-хоро кэпсэтэн дуоһуйан тарҕастылар
Кулун тутар 10 күнүгэр, Бөтүҥ нэһилиэгэр сааскы сандал бырааһынньыгынан кэрэ мааны кыргыттарга,далбар хотуттарга анаан*Кэрэни бэлэхтиир ураты талаан*"кэрэ, уустук туортарынан🎂🎂🎂 аан дойду таһымыгар биллибит биир дойдулаахпыт, кондитер идэлээх_Хаарчаана Иванованы кытта истиҥ көрсүһүү буолан ааста.
Талааннаах кондитер мустубут дьонугар -сэргэтигэр
сөбүлүүр дьарыгын туорт астааһынын туһунан билиһиннэрдэ ,интириэһиргиир боппуруостарыгар эппиэттээтэ, "Капкейкалары сибэкки креминэн киэргэтиигэ" маастар кылаас ыытта. Ураты талааннаах далбар хотун оҥорон, ,айан таһаарбыт эксклюзивнай тортарын экран нөҥүө, бары сөҕө-махтайа көрдүбүт.Тэрээһин түмүгэр Хаарчаана Николаевна тюльпан сибэккилэринэн киэргэммит 8 сыыппара моһуоннаах ,минньигэс туордун бары үтүөнү баҕаран туран, бэлэх уунан , дьоммут сэргэбит итии чэйдээх сандалы тула олорон дуоһуйа кэпсэтэн, сынньанан тарҕастылар.
Быйыл ССРС суруйааччыларын сойууһун чилиэнэ, киэн туттар биир дойдулаахпыт, поэт Е.С.Сивцев – Таллан Бурэ төрөөбүтэ 115 сылын туолла. Поэт Е.С Сивцев – Таллан Бүрэ 1909 сыллаахха тохсунньу 25 күнүгэр Нам улууһугар Хатын – Арыы нэһилиэгэр төрөөбүтэ. Гражданскай сэрии кыттыылааҕа. 1944 сылтан ССРСсуруйааччыларын суйууһун чилиэнэ. 1932 сыллаахха Саха Сиринээ5и уобаластааҕы сэбиэскэй партийнай оскуоланы бүтэрбит. Элбэх сылларга РОНО сэбиэдиссэйинэн, инспекторынан, саха тылын уонна литературатын учууталынан үлэлээбитэ. 1929 сыллаахтан бэчээттэнэн барбыта. Бастакы кинигэтэ " Хоһооннор" 1937 сыллаахха тахсыбыта.Таллан Бурэ Саха АССР культуратын үтүөлээх үлэһитэ, « Бочуот Знага» уордьанынан, мэтээллэринэн наҕараадаламмыта. Поэт 1981 сыллаахха өлбүтэ. Кини аатын 1994 сылтан Бөтүн орто оскуолата сүгэр. Бу оскуола иһинэн суруйааччыга аналлаах түмэл баар.